صحّة وفرحة
سْتحفظ عليه بركة مالغبرة
و سْقيه كلّ صباح بتبسيمة
مايحبّش الوجه المكشبرْ
يحبّ لمْرا الحنينة
صحّة وفرحة
صبرت ونلتْ
قدّاش قعدت تستنّى فيه بش يكبر ؟ قدّاش قطعت من كيلوماتر بش ليه وصلت ؟
سامحني بطيت عليكْ
وقت إلّي لمّيتو مالقاعْ مازال مايعرفش يحلّ عينيهْ
عدّيت ليالي نددّشْ بيهْ
وْ خذالي برشة سبلاتْ من شعري وْ ردّهم بيُضْ
برْغم لّي الوقت معاه يتعدّى في رمشة عين مايتعّبْ، كي حلاوة الكتبْ
سامحني بطيت عليكْ
حبّيتو يجيك كاملْ وعينيه كي الصّيدْ
حبّيتو كي ياقف قدّامك يعرف يقرى منڨالة لمْحبّة
كي تسألو عالوقت، يجاوبك الكبيرة في القلب والرّيشة الصّغيرة في الكبدة
علّمتو يربّي الكبدة
صحّة وفرحة
إستحفظ عليه بركة مالغبرة
و سْقيه كلّ صباح بكليمة حلوّة
ماتكُونش دُوّة
مرّات في عوض تشويش لْفمّ
يحبّ الغناء
غنّيلُو .. كيما تغنّي موجة البحر وكيما يغنّي بين أوراق الشّجر لْهوا
صحّة وفرحة
الحاجة إلّي خاطْـــــيتّكْ
كان نهار وإنتي تدّحنسْ عليه .. طاح وتفرّتْ وخرجت أنا من بين ظلوعُو .. ماتتّرعبشْ
ولا لا لا .. مانيشْ حاسْدتّكْ
نْزعتُو من لحمي وقتلك تفضّلْ .. وبالك يجي نهار ويْحبّكْ ويولّي ليكْ يفضفضْ
وْصحّة وفرحة
ماحْسبتُو يولّي هكّا أوّل مافقّسْ مالعضمة
ليلتها غسلتُو بماء لْوردْ
وزرعت وسطُو زيتونة تظلّل على قلبُو ومحيتْ منّو كل حاجة خايبة بماء لْفرقْ
ليلتها تحلّت عينُو
وْفرّغلي صندوقُو الخايب إلّي تكتبْ على جبينُو
ليلتها عاود حيَا
وْ علّمني قلّة الحياءْ
وْ حبّينا بعضنا لسابع سماءْ
وْ بكيـــــتْ وقت إلّي الرّيشة الصّغيرة هزّها لْهواء .. وطاحت في ڨلتة ماءْ
تكسّرتْ
صحّة وفرحة .. وْ سامحني كان خلّيتك تستنّى وْ بطيت عليكْ
حبّيت كي تجي في ثنيّتُو تلقاه كاملْ وعينيهْ كالصّيدْ
وْ سامحني كان سألتو على وقت لْمحبّة
وجاوبك الكبيرة في القلبْ والرّيشة الصّغيرة مشات من هاك المُدّة
سْتحفظ عليه بركة مالغبرة
و سْقيه كلّ صباح بتبسيمة
مايحبّش الوجه المكشبرْ
يحبّ لمْرا الحنينة
صحّة وفرحة
صبرت ونلتْ
قدّاش قعدت تستنّى فيه بش يكبر ؟ قدّاش قطعت من كيلوماتر بش ليه وصلت ؟
سامحني بطيت عليكْ
وقت إلّي لمّيتو مالقاعْ مازال مايعرفش يحلّ عينيهْ
عدّيت ليالي نددّشْ بيهْ
وْ خذالي برشة سبلاتْ من شعري وْ ردّهم بيُضْ
برْغم لّي الوقت معاه يتعدّى في رمشة عين مايتعّبْ، كي حلاوة الكتبْ
سامحني بطيت عليكْ
حبّيتو يجيك كاملْ وعينيه كي الصّيدْ
حبّيتو كي ياقف قدّامك يعرف يقرى منڨالة لمْحبّة
كي تسألو عالوقت، يجاوبك الكبيرة في القلب والرّيشة الصّغيرة في الكبدة
علّمتو يربّي الكبدة
صحّة وفرحة
إستحفظ عليه بركة مالغبرة
و سْقيه كلّ صباح بكليمة حلوّة
ماتكُونش دُوّة
مرّات في عوض تشويش لْفمّ
يحبّ الغناء
غنّيلُو .. كيما تغنّي موجة البحر وكيما يغنّي بين أوراق الشّجر لْهوا
صحّة وفرحة
الحاجة إلّي خاطْـــــيتّكْ
كان نهار وإنتي تدّحنسْ عليه .. طاح وتفرّتْ وخرجت أنا من بين ظلوعُو .. ماتتّرعبشْ
ولا لا لا .. مانيشْ حاسْدتّكْ
نْزعتُو من لحمي وقتلك تفضّلْ .. وبالك يجي نهار ويْحبّكْ ويولّي ليكْ يفضفضْ
وْصحّة وفرحة
ماحْسبتُو يولّي هكّا أوّل مافقّسْ مالعضمة
ليلتها غسلتُو بماء لْوردْ
وزرعت وسطُو زيتونة تظلّل على قلبُو ومحيتْ منّو كل حاجة خايبة بماء لْفرقْ
ليلتها تحلّت عينُو
وْفرّغلي صندوقُو الخايب إلّي تكتبْ على جبينُو
ليلتها عاود حيَا
وْ علّمني قلّة الحياءْ
وْ حبّينا بعضنا لسابع سماءْ
وْ بكيـــــتْ وقت إلّي الرّيشة الصّغيرة هزّها لْهواء .. وطاحت في ڨلتة ماءْ
تكسّرتْ
صحّة وفرحة .. وْ سامحني كان خلّيتك تستنّى وْ بطيت عليكْ
حبّيت كي تجي في ثنيّتُو تلقاه كاملْ وعينيهْ كالصّيدْ
وْ سامحني كان سألتو على وقت لْمحبّة
وجاوبك الكبيرة في القلبْ والرّيشة الصّغيرة مشات من هاك المُدّة
وْسامحني
كان حسّيت إلّي ضحكتُو بالحة صفرة
وْبُوستو شايحة .. وْكي تحكي معاه مايعطيكش الجّنب بْجرد غزرة
أما ميسالشْ أصبرْ عليهْ
وْ كُونلُو شميسة تنفضلُو المشاكلْ
وْ مخدّة من ريشْ النّعامْ ترتّحو في مُوتو الصغيرة ولا يسهرْ يبكي في التّراكنْ
وْما تتّفجعشْ كان يباتْ يهتري
وْلا .. مانيشْ نغيضْ فيكْ
أما بركة نوصّي فيكْ على ولْدي
ومنها بُويا
ومنها أُختي
وسامحُو كان مرّة نطُقْ إسمي
ما يُقصُدشْ ..
توْ يستانسْ بخيالكْ .. بريحتكْ وْبكلامكْ وماتخافشْ كان يتشعبطْ مايُوصلشْ
قلبي معستُو .. وْماعادْ حاجتي بيهْ
كبّرتُو وتْهنّيتْ عليهْ
في عُوضْ الخوف .. حاولْ تملالُو عينيهْ
سامحني كان الدّنيا ساعات عليكْ تضياقْ
نعرف هاك الإحساس الزّقوم، إنّك تكون مع عبدْ معاكْ ومشْ معاكْ
ونعرف إلّي أخيب حاجة في الدّنيا الكذبْ
صدّقني عييتْ وأنا نقرّي فيه إلّي ماينجّيهْ كانْ الصّدقْ
أما أنا هاني خلّيتهُولك
وْزدتكْ عليه ألف نصيحة تخلّيهْ يتّرمى في شُونكْ
خايفة يخُونك ؟
عملتْ منّو نبتة قصبْ
ماتمْلكشْ عرُوقْ صحيحة بش في أيّ ترابْ تتّنصبْ
وْ هذا الكلّ ما كفّاكْ ؟
أصبرْ عليهْ بالكْ يستانسْ بالعُومة في سماكْ
وْبالكْ يخرج من هالسّكاتْ
وسامحني على هالتّعبْ
هذا آش إنتي تحبّ
صحّة وفرحة الحاجة إلّي خاطيتّكْ
كان نهار وإنتي تدّحنسْ عليه .. طاح وتفرّتْ وخرجت أنا من بين ظلوعُو .. ماتتّرعبشْ
وْلا .. مانيشْ حاسْدتّكْ
نْزعتُو من لحمي وقتلك تفضّلْ
وْ بالك يجي نهار ويْحبّكْ ويولّي ليكْ يفضفضْ
وْبُوستو شايحة .. وْكي تحكي معاه مايعطيكش الجّنب بْجرد غزرة
أما ميسالشْ أصبرْ عليهْ
وْ كُونلُو شميسة تنفضلُو المشاكلْ
وْ مخدّة من ريشْ النّعامْ ترتّحو في مُوتو الصغيرة ولا يسهرْ يبكي في التّراكنْ
وْما تتّفجعشْ كان يباتْ يهتري
وْلا .. مانيشْ نغيضْ فيكْ
أما بركة نوصّي فيكْ على ولْدي
ومنها بُويا
ومنها أُختي
وسامحُو كان مرّة نطُقْ إسمي
ما يُقصُدشْ ..
توْ يستانسْ بخيالكْ .. بريحتكْ وْبكلامكْ وماتخافشْ كان يتشعبطْ مايُوصلشْ
قلبي معستُو .. وْماعادْ حاجتي بيهْ
كبّرتُو وتْهنّيتْ عليهْ
في عُوضْ الخوف .. حاولْ تملالُو عينيهْ
سامحني كان الدّنيا ساعات عليكْ تضياقْ
نعرف هاك الإحساس الزّقوم، إنّك تكون مع عبدْ معاكْ ومشْ معاكْ
ونعرف إلّي أخيب حاجة في الدّنيا الكذبْ
صدّقني عييتْ وأنا نقرّي فيه إلّي ماينجّيهْ كانْ الصّدقْ
أما أنا هاني خلّيتهُولك
وْزدتكْ عليه ألف نصيحة تخلّيهْ يتّرمى في شُونكْ
خايفة يخُونك ؟
عملتْ منّو نبتة قصبْ
ماتمْلكشْ عرُوقْ صحيحة بش في أيّ ترابْ تتّنصبْ
وْ هذا الكلّ ما كفّاكْ ؟
أصبرْ عليهْ بالكْ يستانسْ بالعُومة في سماكْ
وْبالكْ يخرج من هالسّكاتْ
وسامحني على هالتّعبْ
هذا آش إنتي تحبّ
صحّة وفرحة الحاجة إلّي خاطيتّكْ
كان نهار وإنتي تدّحنسْ عليه .. طاح وتفرّتْ وخرجت أنا من بين ظلوعُو .. ماتتّرعبشْ
وْلا .. مانيشْ حاسْدتّكْ
نْزعتُو من لحمي وقتلك تفضّلْ
وْ بالك يجي نهار ويْحبّكْ ويولّي ليكْ يفضفضْ
